काठमाडौँ । कागेश्वरी मनोहरा नगरपालिकाले चालु आर्थिक वर्षका लागि कवाडी कर संकलनको ठेक्का राज एण्ड रिवाज सप्लायर्स प्रा.लि. लाई रु ४२ लाख मा दिएको थियो। तर ठेक्का पाएपछि कम्पनीका प्रोपाइटर कुन्दन सिंह ले सो कर संकलन अधिकार पुनः इन्द्रेणी हाडर्वयर एण्ड सेनिटरी वेयर प्रा.लि. लाई झण्डै तीनगुनो मूल्य रु १ करोड ३० लाख मा बेचिदिएको खुलेको छ।

तर, पुनःबिक्रीबाट उठेको रकममा उनले कर छली गरेको आरोप लागेको छ। सिंहले वास्तविक कारोबार रु १ करोड ३० लाख हुँदाहुँदै पनि कर तिर्नका लागि जम्मा रु २९ लाख ९४ हजार ५ सय कै बिल मात्र काटेको देखिन्छ। यसरी उनले करयोग्य रु १ करोड ५ हजार ५ सय बराबरको बिक्री लुकाएको उजुरीमा उल्लेख छ।
सो विषयमा बालाजु आन्तरिक राजस्व कार्यालय मा आधिकारिक निवेदन परेको छ। तर, निवेदन दर्तादेखि प्रक्रियागत कदम अगाडि नबढ्नुलाई लिएर उजुरीकर्ताले कर कार्यालयका केही कर्मचारी नै कारोबार लुकाउन सहयोगी बनेको दाबी गरेका छन्। उनीहरूको भनाइका आधारमा उक्त आरोपलाई पुष्टि गर्ने कागजात र प्रमाणसमेत रहेको उल्लेख छ।

स्थानीय तहमा ठेक्का प्रक्रिया हुँदै कर प्रशासनसम्मै पारदर्शितामाथि गम्भीर प्रश्न उठेको सरोकारवालाहरू बताउँछन्। सार्वजनिक रकम, कर प्रणाली र ठेक्का व्यवस्थापनबारे पुनः विश्वसनीयता संकट देखिएको उनीहरूको मूल्यांकन छ।

यता, आरोपित राजस्व कार्यालय तथा सम्बन्धित कम्पनीहरू ले भने अहिले सम्म यस विषयमा कुनै आधिकारिक प्रतिक्रिया सार्वजनिक गरेका छैनन्।

आन्तरिक राजस्व कार्यलय, बालाजुमा इन्द्रेणी हार्डवेयर एण्ड सेनेटरीवेयरले दिएको निवेदन ।

Raj-and-Riwaz-to-Indreni-d834455b-2ec7-4a70-b476-7f317160be11 Kageshwori-Manohara-Nagarpalika-Company-Raj-and-Riwaj-f7c9cf9d-f121-4f4e-a1e8-46bc3d8345a4