टोरन्टो (क्यानडा)। क्यानडास्थित नेपाली समुदायको अग्रणी संस्था नेप्लीज क्यानाडियन कम्युनिटी सर्भिसेज (NCCS) ले हालै आफ्नो १८औं वार्षिक साधारण सभा (AGM) सफलतापूर्वक सम्पन्न गर्दै नयाँ कार्यसमिति चयन गरेको छ। समुदायको लामो विश्वास, सहभागिता र सहकार्यबीच सम्पन्न सभाले नयाँ ऊर्जाशील, समावेशी र प्रतिनिधित्वयुक्त नेतृत्व टोली पाएको छ।

नवनिर्वाचित कार्यसमितिमा साभापति बिमल बस्नेत, अध्यक्ष सुदर्शन सापकोटा, उपाध्यक्ष (ज्ञानु शाह, महासचिव टिकाराम पौडेल, कोषाध्यक्ष गणेश न्यौपाने र सचिव कौशल निरौला चयन भएका छन्। त्यस्तै, बोर्ड अफ डाइरेक्टर्स (BODs) मा पायल शाह, राहुल गौतम, अन्ना बहादुर खाँड, सुशील राज लमिछाने, रमा जमरकटेल, फडिन्द्र कँडेल, शरद मैनाली, विजय अधिकारी र निमिश खाना निर्वाचित भएका छन्। सभामा समुदायका विभिन्न क्षेत्रका प्रतिनिधिहरू, अतिथिहरू र सदस्यहरूको उल्लेखनीय उपस्थिति रहेको थियोनवनिर्वाचित अध्यक्ष सुदर्शन सापकोटा ले सभामा धन्यवाद ज्ञापन गर्दै भने,NCCS हाम्रो साझा संस्था हो। सबैको सहभागिता र सहयोगकै कारण हामी यहाँसम्म आइपुगेका हौं।

आगामी दिनमा पनि समुदायमाथि केन्द्रित कार्यक्रममार्फत NCCS लाई अझ सशक्त, समावेशी र परिणाममुखी बनाउन प्रतिबद्ध छु।”उहाँले थप भन्नुभयो, नेपाल र क्यानडाबीचको सांस्कृतिक, सामाजिक र सामुदायिक सम्बन्ध सुदृढ गर्न NCCS निरन्तर सक्रिय रहँदै आएको छ। आगामी वर्षहरूमा पनि युवामुखी कार्यक्रम, समुदाय सेवा, र नेपाली परिचय सुदृढीकरणका गतिविधि विस्तार गर्ने हाम्रो योजना छ।”दुई दशकभन्दा बढीको इतिहास बोकेको नेपालिज क्यानाडियन कम्युनिटी सर्भिसेज (NCCS) क्यानडास्थित नेपाली समुदायको शैक्षिक, सामाजिक, सांस्कृतिक र परामर्श सेवामा अग्रणी संस्था हो। संस्थाले नेपाली समुदायको आवाजलाई सशक्त बनाउन, नयाँ पुस्तामा नेपाली मूल्य र पहिचान हस्तान्तरण गर्न, र क्यानडाली बहुसांस्कृतिक समाजमा नेपाली उपस्थितिलाई अझ उजागर गर्न निरन्तर सक्रिय भूमिका निर्वाह गर्दै आएको छ।