काठमाडौं । इजरायलले लेबनानमा आक्रमण नरोकेपछि आक्रोशित भएको इरानले फेरि होर्मुज जलडमरू जलमार्ग बन्द गरेको छ । इरानको संयुक्त सैन्य कमान्डले सरकारी टिभीमा होर्मुज जलडमरू बन्द गरिएको घोषणा गरेका हुन् ।

इरानको विदेश मन्त्रालयका प्रवक्ता इस्माइल बागाईले इरानले आफ्नो सबै जिम्मेवारी पूरा गरेको बताए । तर अमेरिकाले इजरायललाई नियन्त्रण गर्न नसकेको उनले बताए ।

१७ जुनमा अमेरिका र इरानबीच शान्ति सम्झौतामा हस्ताक्षर भएको थियो । जसमा होर्मुजको जलडमरूम खोल्ने र लेबनानमाथि आक्रमण रोक्ने समावेश थियो । अमेरिका र इरानबीच शान्ति सम्झौतामा हस्ताक्षर भएपछि पनि इजरायलले लेबनानमाथि आक्रमण जारी राखेको छ ।

यसैबीच, अमेरिका र इरान शान्ति वार्ताका लागि स्विट्जरल्याण्ड पुगेको छ । अमेरिकी प्रतिनिधिमण्डलमा मध्यपूर्वका लागि विशेष दूत स्टिभ विटकफ र ट्रम्पका ज्वाइँ जारेड कुशनर छन् । इरानी प्रतिनिधिमण्डलको नेतृत्व विदेशमन्त्री अब्बास अराघचीले गरिरहेका छन् ।