काठमाडौं । नेपालकै नं. १ इलेक्ट्रिक स्कुटर ब्रान्ड Ather ले स्कुटर खरिद प्रक्रियालाई सहज बनाउँदै नयाँ वित्तीय योजना सार्वजनिक गरेको छ। यस योजनाअन्तर्गत अब ग्राहकहरूले केवल मान्य परिचयपत्र (ID Card) को आधारमा, कुनै पनि अतिरिक्त वित्तीय कागजात बिना Ather इलेक्ट्रिक स्कुटर खरिद गर्न सक्नेछन्। NPR 6,058 बाट सुरु हुने EMI सुविधाले प्रिमियम इलेक्ट्रिक स्कुटरलाई आम उपभोक्ताको पहुँचमा पुर्‍याएको छ।
परिचयपत्र–आधारित यो योजनाको उद्देश्य इलेक्ट्रिक सवारीसाधन खरिद गर्दा देखिने कागजी झन्झट र जटिल प्रक्रियालाई हटाउनु हो। Ather ले यस पहलमार्फत स्मार्ट, वातावरणमैत्री र दिगो यातायात प्रणालीलाई प्रोत्साहन गर्दै नेपालमा EV अपनत्व बढाउने विश्वास लिएको छ।

प्रविधि, प्रदर्शन र ग्राहक अनुभवमा निरन्तर ध्यान दिँदै आएको Ather ले नेपालमा इलेक्ट्रिक दुईपाङ्ग्रे सवारीसाधन बजारको नेतृत्व गर्दै आएको छ। कम्पनीले बढ्दो ग्राहक आधारलाई सेवा दिन देशव्यापी रूपमा अनुभव केन्द्र, सेवा केन्द्र तथा चार्जिङ पूर्वाधार विस्तार गरेको छ।

हाल Ather का ८ वटा Experience Center काठमाडौं, ललितपुर, भक्तपुर, चितवन, पोखरा, इटहरी र बुटवलमा सञ्चालनमा छन् भने बौद्ध, काठमाडौंमा १ Test Ride Zone उपलब्ध छ। यसका साथै ८ वटा अधिकृत सेवा केन्द्र र २७ भन्दा बढी Ather Grid फास्ट चार्जिङ पोइन्टहरू प्रमुख सहर तथा राजमार्गहरूमा स्थापना गरिएका छन्।

स्मार्ट टचस्क्रिन ड्यासबोर्ड, छिटो चार्ज हुने सुविधा, ओभर–द–एयर (OTA) अपडेट र सहज राइडिङ अनुभवजस्ता विशेषताका कारण Ather नेपालमा सबैभन्दा विश्वासिलो इलेक्ट्रिक स्कुटर ब्रान्डका रूपमा स्थापित भएको छ। यस नयाँ योजनाले उन्नत प्रविधि र सजिलो स्वामित्व प्रक्रियालाई जोड्दै नेपालमा इलेक्ट्रिक सवारीसाधनको प्रयोगलाई थप तीव्र बनाउने अपेक्षा गरिएको छ।