रसुवा । राष्ट्रिय प्रसारण लाइनमा समस्या देखिएपछि चिलिमे जलविद्युत् केन्द्रबाट विद्युत् आपूर्ति पूर्ण रूपमा अवरुद्ध भएको छ । कालिका गाउँपालिका–१ ग्राङ नजिक प्रसारण लाइनमा समस्या आएपछि केन्द्रबाट उत्पादन रोक्नुपरेको चिलिमे जलविद्युत् कम्पनीले जनाएको छ ।

कम्पनीका अनुसार प्रभावित टावर मर्मतका लागि काठमाडौँबाट प्राविधिक टोली रसुवा प्रस्थान गरिसकेको छ । टावर मर्मत कार्य सम्पन्न भएसँगै आजै साँझसम्म उत्पादन पुनःसञ्चालन गर्ने लक्ष्य राखिएको छ ।

उत्पादन अवरुद्ध भएपछि स्थानीय क्षेत्रमा समेत विद्युत् आपूर्तिमा असर परेको छ ।