काठमाडौं । Huawei ले आधिकारिक रूपमा नेपालमा Huawei Watch GT 6 Series लॉन्च गर्दै नेपाली बजारमा आफ्नो नयाँ पुस्ताको प्रिमियम स्मार्टवाच सार्वजनिक गरेको छ। यो नयाँ लाइनअपमा Huawei Watch GT 6 र Huawei Watch GT 6 Pro समावेश छन्, जसले टिकाउपन, उत्कृष्ट डिस्प्ले, स्वास्थ्य निगरानी सुविधा र लामो ब्याट्री क्षमतामा महत्वपूर्ण सुधार ल्याएको कम्पनीले जनाएको छ।

Huawei Watch GT 6 दुवै 46mm र 41mm साइजमा उपलब्ध छन्। यी मोडेलमा 3,000 nits सम्मको ब्राइटनेस भएको AMOLED डिस्प्ले, परिष्कृत स्टेनलेस–स्टील फ्रेम, र मोडेलअनुसार १४ देखि २१ दिनसम्म चल्ने ब्याट्री लाइफ जस्ता सुविधाहरू पाइन्छन्। यसले दैनिक प्रयोगदेखि यात्रा तथा फिटनेस गतिविधिसम्मका लागि उत्कृष्ट प्रदर्शन गर्ने दाबी गरिएको छ।
नेपालमा Huawei Watch GT 6 को मूल्य रु. ३४,४९० देखि रु. ३९,४९० दरमा छ, भेरियण्टअनुसार। उता, अझ प्रिमियम Huawei Watch GT 6 Pro, जसमा उच्च टिकाउपन, उन्नत स्वास्थ्य सेन्सर तथा मजबुत निर्माण गुणस्तर छ, रु. ५४,४९० देखि रु. ७४,४९० मा उपलब्ध छ। Pro भेरियण्ट किन्दा रु. ५,४९० मूल्यको Huawei Buds SE2 उपहार पाउने सुविधा पनि छ।

नयाँ Watch GT 6 Series ले १०० भन्दा बढी वर्कआउट मोडहरू, उच्च–सटीकता Multi-GNSS Positioning, र Android तथा iOS दुवैसँग मिल्ने Huawei Health App मार्फत सहज कनेक्टिविटी सपोर्ट गर्छ। यी स्मार्टवाचहरू नेपालभरका अधिकृत पुनर्विक्रेता Efix Nepal, Daraz, तथा अन्य खुद्रा स्टोरहरूबाट किन्न सकिन्छ।