काठमाडौँ । चिनियाँ अटोमोबाइल कम्पनी ले आफ्नो पाँचौँ पुस्ताको ‘एम्ग्रान्ड आई-एचइभी’ हाइब्रिड सेडान कार आगामी जुन १६ मा औपचारिक रूपमा सार्वजनिक गर्ने भएको छ। कम्पनीका अनुसार नयाँ मोडेलमा विश्वकै उच्च ४८.४१ प्रतिशत इन्जिन थर्मल दक्षता रहेको छ।

कम्पनीले सार्वजनिक गरेको विवरणअनुसार वास्तविक सडक परीक्षणका क्रममा उक्त कारले प्रति १०० किलोमिटरमा मात्र २.२२ लिटर इन्धन खपत गर्दै गिनिज वर्ल्ड रेकर्ड कायम गरेको छ। नयाँ पुस्ताको विश्वव्यापी मोड्युलर आर्किटेक्चरमा आधारित यस कारमा दुईवटा मोटर तथा अत्याधुनिक ११-इन-१ इलेक्ट्रिक ड्राइभ प्रणाली जडान गरिएको छ। यसको ड्राइभ मोटरले अधिकतम २३० किलोवाट (३०८ हर्सपावर) शक्ति उत्पादन गर्ने कम्पनीको दाबी छ।

एम्ग्रान्ड आई-एचइभी पूर्ण रूपमा इलेक्ट्रिक, हाइब्रिड तथा डाइरेक्ट ड्राइभ गरी तीनवटा मोडमा सञ्चालन हुन सक्ने बताइएको छ। यसले सहरदेखि राजमार्गसम्मको यात्रामा इन्धन र विद्युत् ऊर्जाको सन्तुलित प्रयोग गर्दै उच्च कार्यक्षमता प्रदान गर्ने कम्पनीको भनाइ छ।

अन्तर्राष्ट्रिय मापदण्डअनुसार गाडी गुड्ने ८० प्रतिशतभन्दा बढी समय इलेक्ट्रिक प्रणाली सक्रिय रहने भएकाले परम्परागत हाइब्रिड गाडीको तुलनामा इन्जिन सञ्चालन समय २७ प्रतिशतले घट्ने दाबी गरिएको छ। पूर्ण इलेक्ट्रिक मोडमा यो कार प्रतिघण्टा ६६ किलोमिटरसम्मको गतिमा सञ्चालन हुन सक्छ।

गतिको हिसाबले कारले शून्यदेखि ३० किलोमिटर प्रतिघण्टाको गति केवल १.८४ सेकेन्डमा समात्न सक्छ भने यसको सिस्टम रेस्पोन्स टाइम १० मिलिसेकेन्ड मात्र रहेको छ। चीनको उद्योग तथा सूचना प्रविधि मन्त्रालयमा दर्ता विवरणअनुसार यसको औसत इन्धन खपत प्रति १०० किलोमिटरमा ३.८३ लिटर रहेको छ।

कम्पनीका अनुसार कारमा एआई क्लाउड पावर मोडल प्रयोग गरिएको छ, जसले तापक्रम, आर्द्रता, उचाइ तथा सडकको अवस्था विश्लेषण गरी इन्धन र विद्युत् प्रयोगलाई स्वचालित रूपमा अनुकूल बनाउँछ। यसले समग्र ऊर्जा दक्षता १० प्रतिशतभन्दा बढीले सुधार गर्ने बताइएको छ।

चीनको मा गरिएको परीक्षणका क्रममा कारले प्रति १०० किलोमिटरमा २.२२ लिटर मात्र इन्धन खपत गर्दै गिनिज बुकमा नाम लेखाएको हो। कम्पनीले यो नतिजा समान परिस्थितिमा परीक्षण गरिएको भन्दा १२ प्रतिशत कम इन्धन खपत भएको दाबी गरेको छ।

आरामदायी यात्राका लागि विकसित गरिएको प्रविधिका कारण गाडी स्टार्ट हुँदा हुने कम्पन ३२.७ प्रतिशतले घट्ने तथा भित्री आवाज पूर्ण विद्युतीय गाडीको तुलनामा केवल १ डेसिबलले बढी रहने कम्पनीको भनाइ छ। यसमा प्रयोग गरिएको १ किलोवाट-आवर क्षमताको ब्याट्रीले तौल सन्तुलन, उच्च शक्ति उत्पादन तथा ऊर्जा पुनःसंकलनमा सहयोग पुर्‍याउने जनाइएको छ।

यसैबीच जिली अटोले सन् २०२६ को मे महिनामा कुल २ लाख ३७ हजार ६ सय ३७ वटा गाडी बिक्री गरेको जनाएको छ। तीमध्ये १ लाख ३३ हजार ३ सय ५५ वटा नयाँ ऊर्जाबाट चल्ने गाडी रहेका छन्, जुन कुल बिक्रीको ५६ प्रतिशत हो। कम्पनीका अनुसार निर्याततर्फको बिक्री गत वर्षको तुलनामा १८४ प्रतिशतले वृद्धि हुँदै ८५ हजार १ सय ४४ युनिट पुगेको छ, जसले मासिक निर्यातमा नयाँ रेकर्ड कायम गरेको छ।