काठमाडौं । सुजुकी एक्सेस 125 स्कुटर अब नयाँ अवतारमा नेपाली बजारमा भित्रिएको छ। नेपालका लागि सुजुकी को आधिकारिक विक्रेताले यस स्कुटरको पछिल्लो संस्करणलाई औपचारिक रूपमा सार्वजनिक गरेको हो ।

भारतको १२५ सिसी श्रेणीमा सबैभन्दा बढी बिक्री हुने स्कुटरको पहिचान बनाएको यो सवारी अब देशभरका आधिकारिक सोरुमहरूमा उपलब्ध गराइएको छ। आकर्षक डिजाइन र अत्याधुनिक प्रविधिसहित आएको यस स्कुटरले नेपाली सडकमा नयाँ छाप छाड्ने अपेक्षा गरिएको छ।

नयाँ संस्करणमा वातावरणीय प्रदूषण कम गर्ने आधुनिक मापदण्डअनुसारको इन्जिन जडान गरिएको छ। १२४ सिसी क्षमताको हावाले चिस्याउने एक सिलिन्डरयुक्त इन्जिनले कडा उत्सर्जन मापदण्ड पूरा गर्ने बताइएको छ। यसले ८.३ अश्वशक्ति र १०.२ न्यूटन मिटर टर्क उत्पादन गर्ने क्षमता राख्छ, जसले सहरी सडकदेखि राजमार्गसम्मको यात्रा सहज र आरामदायी बनाउने विश्वास गरिएको छ।

सवारीको बनावट र तौलमा पनि विशेष ध्यान दिइएको छ। १०६ किलोग्राम तौल रहेको यस स्कुटरमा ५.३ लिटर क्षमताको इन्धन ट्याङ्की जडान गरिएको छ। चालकको सुविधाका लागि विद्युतीय स्टार्टसँगै खुट्टाले स्टार्ट गर्ने विकल्प पनि दिइएको छ।
डिजाइनलाई आधुनिक बनाउन पाँचवटा आकर्षक रङहरू हरियो, चम्किलो सेतो, गाढा नीलो, हल्का खैरो र कालो उपलब्ध गराइएको छ।

सुजुकी एक्सेस 125 सुरुवातदेखि नै आराम, भरपर्दोपन र उत्कृष्ट प्रदर्शनका लागि परिचित रहँदै आएको छ। प्रत्येक नयाँ संस्करणसँगै आफूलाई परिष्कृत गर्दै आएको यस स्कुटरले नेपाली बजारमा पनि आफ्नो छुट्टै पहिचान स्थापित गर्ने अपेक्षा गरिएको छ।
कम्पनीका अनुसार इच्छुक ग्राहकहरूले नजिकैको सोरुममा पुगेर मूल्य, परीक्षण सवारी (टेस्ट ड्राइभ) तथा उपलब्ध रङहरूको जानकारी लिन सक्नेछन्।