काठमाडौं । नागरिक लगानी कोषले आगामी पुस ३० गते आफ्नो ३१ औँ वार्षिक साधारणसभा आयोजना गर्ने भएको छ। कोषले जारी गरेको प्रेस–नोटअनुसार साधारणसभा कोष भवन परिसरमा सम्पन्न हुनेछ।

साधारणसभामा आर्थिक वर्ष २०८१/८२ को आम्दानी बाँडफाँटसम्बन्धी हिसाब विवरण प्रस्तुत गरी छलफल गरिनेछ। साथै, सो अवधिका लागि छुट्याइएको पाँच प्रतिशत बोनस सेयर र आठ प्रतिशत नगद लाभांश पारित गर्ने एजेन्डा रहेको छ।

त्यसैगरी, साधारणसभाबाट सेयरधनीहरूको तर्फबाट एक जना सञ्चालक चयन गर्न निर्वाचन प्रक्रिया पनि सम्पन्न हुने कार्यतालिका रहेको कोषले जनाएको छ।