रुपन्देही । रुपन्देहीमा करेन्ट लागेर एक पुरुषको मृत्यु भएको छ ।  जिल्लाको देवदह नगरपालिका–७ शितलनगर डेरा गरी बस्ने नवलपरासी पूर्व बुलिङटार घर भएका ३५ वर्षीय देवबहादुर आलेको करेन्ट लागेर बिहीबार दिउँसो मृत्यु भएको हो ।

देवदह नगरपालिका–६ खैरेनीस्थित घरमा विवाहको लागि झिलिमिली लाइट फिट गर्ने क्रममा करेन्ट लागेर गम्भीर घाइते भएका उनको देवदह मेडिकल कलेज भलुहीमा उपचारको क्रममा मृत्यु भएको हो । घटनाका सम्बन्धमा प्रहरीले थप अनुसन्धान भइरहेको प्रहरीले जनाएको छ ।