ललितपुर– हेटौंडामा जारी क्योकुशिन कराते फुल कन्ट्याक्ट बिधामा ललितपुर जिल्ला उत्कृष्ट समुह घोषित भएको छ ।
मकवानपुरको हेटौंडामा भएको प्रतियोगितामा पुरुष ४० केजि तौल समुहमा सुब्रेश गोले तामाङ र ६५ केजि तौलमा धादिङको बिपक्षी प्रतिद्वन्दीलाई पराजित गर्दै सागर तामाङ प्रथम भए ।
महिला तर्फ ४० केजि तौल समूहमा भावना नगरकोटी , ४५ केजि तौलमा दिलमाया श्रेष्ठ र ५५ केजि तौलमा प्रसिका नापित सशक्त खेल प्रदर्शन गर्दै दोस्रो भएको ललितपुरबाट प्रतिनिधित्व गरेका टिम कोच ज्ञानि रत्न शाक्य र रामहरि खड्काले जानकारी दिए ।
उक्त खेलकुद प्रतियोगितामा ललितपुरको सम्पुर्ण टिमको ब्यवस्थापन टिम ब्यवस्थापक रमेश तामाङले जिम्मेवारी लिएका थिए ।
तामाङले ललितपुरले उत्कृष्ट नतिजा ल्याउनुमा ललितपुरको टिम कोचहरुको महत्वपूर्ण भुमिका भएको बताए ।
बाग्मती प्रदेश भरिमा १३ जिल्ला मध्ये पुरुष तर्फ सबै भन्दा नियम र अनुशासनमा रहि सशक्त खेल प्रदर्शन गरि ललितपुरको निरोज नगरकोटी उत्कृष्ट खेलाडी घोषणा गर्दै नगद रु. २० हजारबाट सम्मानित हुन सफल भएका छन् ।
विजयी खेलाडीलाई बागमती प्रदेश खेलकुद परिषद को सदस्य सचिव दिपक लामा ले शिल्ड ,मेडल ,प्रमाणपत्र र नगद पुरस्कार सहित सम्मान गरेका छन् ।