काठमाडौं । कामना सेवा विकास बैंकले काठमाडौंको बुढानिलकण्ठस्थित होटल सब्रिनासँग सेवा शुल्कमा छुट प्रदान गर्ने सम्झौता गरेको छ। सम्झौता अनुसार बैंकका कर्मचारी तथा ग्राहकहरूले होटलका अकोमोडेसन, फुड र बेभरेज सेवामा १० प्रतिशत छुट प्राप्त गर्न सक्नेछन्।

बैंकका ग्राहकहरूले बैंकसँगको आवद्धताको प्रमाण पेश गरेपछि सो सुविधा सहजै लिन सक्ने व्यवस्था मिलाइएको बैंकले जनाएको छ। यस सहकार्यबाट आवद्ध समग्र ग्राहक तथा कर्मचारीले प्रत्यक्ष लाभ पाउने विश्वास बैंकले व्यक्त गरेको छ।

सम्झौतामा बैंकका तर्फबाट मार्केटिङ प्रमुख पर्मा ढुङ्गेल र होटल सब्रिनाका सञ्चालन प्रबन्धक समिर थापाले औपचारिक रूपमा हस्ताक्षर गरेका छन्।