धनगढी । एकजना सांसदले हस्ताक्षर फिर्ता लिएपछि सुदूरपश्चिम प्रदेशका मुख्यमन्त्री कमलबहादुर शाहको पद अन्तिम अवस्थामा जोगिएको छ ।

अविश्वासको प्रस्तावमा हस्ताक्षर गरेका ९ सांसदमध्ये डम्मरी महराले हस्ताक्षर फिर्ता लिएपछि उनको मुख्यमन्त्री पद जोगिएको हो । विज्ञप्ति जारी गर्दै महराले हस्ताक्षर फिर्ता लिएको जानकारी दिएकी हुन् ।

प्रदेश सभा सदस्य दिवानसिंह विष्ट समेतको नेतृत्वमा शाहलाई दलको नेताबाट हटाउन अविश्वासको प्रस्ताव संसदीय दलको कार्यालयमा दर्ता गरिएको थियो ।