काठमाडौँ। पोखरा एभेन्जर्ससँग सहकार्य गर्दै टेनप्लास्ट र टेनस्टिलले सामुदायिक प्रभाव केन्द्रित “टेनप्लास्ट इम्प्याक्ट क्याम्पेन” सुरु गरेका छन्। अभियान अनुसार खेलमैदानमा प्राप्त प्रत्येक रन र जितलाई प्रत्यक्ष रूपमा समाजमा उपयोगी सहयोगमा रूपान्तरण गरिनेछ।

प्रत्येक चौकाका लागि ३०० लिटर, प्रत्येक छक्काका लागि ५०० लिटर र खेल जिते १००० लिटर टेनप्लास्ट वाटर ट्यांकी प्रदान गरिने व्यवस्था गरिएको छ। यी ट्यांकीहरू स्वच्छ पानी अभाव भएको विद्यालय, स्थानीय संरचना र समुदायमा वितरण गरिनेछ।

कम्पनीका अनुसार, अभियानले सुरक्षित पानी पहुँच, स्वास्थ्य र दीर्घकालीन सकारात्मक प्रभावमा योगदान पुर्याउने अपेक्षा गरिएको छ। टेन ग्रुपले निर्माण, कृषि र स्थानीय परियोजनासँगै सामुदायिक सहयोग र दिगो विकासलाई आफ्नो जिम्मेवारीका रूपमा अघि बढाइरहेको जनाएको छ।

प्रशंसकहरूले खेलको रोमाञ्च अनुभव गर्दै, समाजमा पुगेको प्रत्यक्ष सहयोगको प्रभाव पनि नजिकबाट हेर्न सक्नेछन्।