काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा)ले आज (कात्तिक २०) दिउँसो राजधानीको भृकुटीमण्डपमा ‘जनप्रदर्शन’सहितको ‘जनसभा’ आयोजना गर्दै छ । आगामी चुनावमा होमिने तयारीसहित निर्वाचन आयोगमा पार्टी दर्ता गराइसकेको नेकपाको यो जनसभालाई राजनीतिक रूपमा महत्त्वका साथ हेरिएको छ ।

नेकपाले यो सभामार्फत् राजनीतिक मार्गरेखा र आगामी योजनाबारे जनता समक्ष स्पष्ट गर्ने अपेक्षा गरिएको छ । जनप्रदर्शनको पनि आयोजना गरिन लागेकोले काठमाडौंको मुलुकै पुरानो राजनीतिक सभास्थल भृकुटीमण्डपमा आज उल्लेख्य भीड हुने अनुमान गरिएको छ ।