काठमाडौं । ठूलो रकमको विद्युतीय भुक्तानी प्रणाली रियल टाइम ग्रस सेटलमेन्ट (आरटीजीएस) सेवा शनिबार पनि सञ्चालनमा रहने भएको छ ।

नेपाल राष्ट्र बैंकका अनुसार आरटीजीएस प्रणाली भोलि अर्थात् कात्तिक १५ गते पनि सञ्चालनमा रहनेछ । भुक्तानी प्रणाली विभागका अनुसार यो सेवा बिहान १० बजेदेखि अपराह्न ४ बजेसम्म खुला रहनेछ ।

आरटीजीएस प्रणाली मुख्यतया ठूलो मूल्यका र तुरुन्तै सेटल गर्नुपर्ने कारोबारका लागि प्रयोग गरिन्छ । बैंक तथा वित्तीय संस्थाहरूबीचको आपसी भुक्तानी, संस्थागत कारोबार र उच्च मूल्यका रकम स्थानान्तरणमा यो प्रणाली नियमित रूपमा प्रयोग हुँदै आएको छ ।