काठमाडौं । नायक तथा मोडल श्याम मगरको अभिनय रहेको मर्मस्पर्शी गीत ‘पिरको भारी’ बोलको म्युजिक भिडियो सार्वजनिक भएको छ। हेमराज डागी र रमिला ज्ञाङ्मी मगरको स्वर रहेको उक्त गीतमा शब्द अनिल खनालको रहेको छ भने संगीत स्वयं हेमराज डागीले दिएका छन्।

म्युजिक भिडियोमा बिना रावत, श्याम मगर, दीपक केसी र हेमराज डागीको अभिनय देख्न सकिन्छ। भिडियोको छायांकन सरोज शाहीले गरेका हुन् भने कलर र सम्पादन अनिल बिष्ट प्युठानीले गरेका छन्। म्युजिक भिडियोको निर्देशन दिनेश सिंह ठकुरीले गरेका छन्।

हालै सार्वजनिक भएको ‘पिरको भारी’ म्युजिक भिडियो हेमराज डागीको आधिकारिक युट्युब च्यानलमार्फत हेर्न सकिनेछ।