काठमाडौँ । त्रिचन्द्र बहुमुखी क्याम्पस का विद्यार्थीहरूले गौरीबहादुर कार्की नेतृत्वको जाँचबुझ आयोगको प्रतिवेदन सार्वजनिक गर्न माग गर्दै प्रदर्शन गरेका छन्।

सरकारसँग उक्त प्रतिवेदन सार्वजनिक गर्न माग गर्दै विद्यार्थीहरूले हस्ताक्षरसहित प्रदर्शन गरेका हुन्।

प्रदर्शनका क्रममा पूर्व प्रधानन्यायाधीश सुशीला कार्की नेतृत्वको सरकारले नै कार्की प्रतिवेदन सार्वजनिक गर्नुपर्ने माग गरिएको विद्यार्थीहरूले बताएका छन्।

विद्यार्थीहरूले प्रतिवेदन सार्वजनिक गरी सत्यतथ्य जनतामाझ ल्याउनुपर्ने र यसले पारदर्शिता तथा जवाफदेहिता कायम गर्न मद्दत पुग्ने बताएका छन्।