काठमाडौं : एमाले अध्यक्ष केपी ओलीले पदबाट राजीनामा नदिने स्पष्ट पारेका छन्। शुक्रबार केन्द्रीय कमिटी बैठकमा समापन मन्तव्य दिँदै ओलीले यस्तो बताएका हुन्। आफ्नो काँधमा महत्त्वपूर्ण जिम्मेवारी भएको भन्दै उनले पूरा नगरी राजीनामा दिएर बिचैमा छाड्न नमिल्ने बताए।

‘केही साथीले राजीनामा माग्नुभएको छ। मसँग माग्नुभएको होइन, माइकमा सोधेको थिएँ । ५५ वर्षदेखि एउटा सानो टुक्रो आन्दोलन बोकेर ल्याएको हुँ। मेरो काँधमा जिम्मेवारी छ। त्यो पूरा नगरी मैले छाड्न मिल्दैन र छाड्दिनँ पनि,’ ओलीले भने।