चितवन । राष्ट्रिय स्वतन्त्र पार्टीको महाधिवेशनमा सहभागी हुन चितवनमा रहेका गृहमन्त्री सुधन गुरुङको बिहानी खाजाको अम्लेटमा माछाको काँडा भेटिएपछि दुईजना पक्राउ परेका छन् ।

गृहमन्त्री गुरुङ बसेको लड्स प्लाजा होटलमा खाजा खाने क्रममा अम्लेटमा माछाको काडा भेटिएपछि दुईजना अम्लेट बनाउने होटलका कर्मचारीलाई पक्राउ गरिएको हो ।

अम्लेटमा माछाको काँडा फेला परेपछि उनले होटेलका स्टाफहरूलाई बोलाएर थर्काउनुका साथै प्रहरीलाई कारबाही गर्न निर्देशन दिएका हुन् ।

गृहमन्त्रीबाट निर्देशन आएपछि तत्काल जिल्ला प्रहरी कार्यालयबाट प्रहरी गएर अम्लेट बनाउने दुई कर्मचारीलाई नियन्त्रणमा लिएर प्रहरी कार्यालय ल्याएर नियन्त्रणमा राखेको छ।

कर्मचारीलाई नियन्त्रणमा लिएर खानामा अखाद्य वस्तु बारे सोधपछु भइरहेको र सोधपुछ सकिएपछि रिहा गरिने प्रहरीले जानकारी दिएको छ ।