रियाद । अरब र इस्लामिक देशका विदेश मन्त्रीहरूले क्षेत्रीय सुरक्षा सम्बन्धी छलफल गर्ने भएका छन् । साउदी अरबको आयोजनामा हुन लागेको यो छलफल बुधबार साँझ हुने भएको हो ।

साउदी विदेश मन्त्रालयले जारी गरेको वक्तव्यमा बैठकको उद्देश्य क्षेत्रको सुरक्षा र स्थिरता सुनिश्चित गर्न थप परामर्श र समन्वय गर्नु रहेको जनाइएको छ ।

मन्त्रालयका अनुसार यो बैठकलाई परामर्शमूलक मन्त्रीस्तरीय बैठकको रूपमा आयोजना गर्न लागिएको छ । यसले सहभागी देशहरूबिच सुरक्षा रणनीति, राजनीतिक स्थिरता र द्वन्द्व न्यूनीकरणका उपायहरूमा समन्वय बढाउने काम गर्नेछ ।

विदेश मन्त्रालयले आफ्नो आधिकारिक सामाजिक सञ्जाल प्लेटफर्म एक्समार्फत बैठकको जानकारी सार्वजनिक गरेको छ ।