काठमाडौं  । विश्वप्रसिद्ध लगेज र ट्राभल एक्सेसरीज ब्रान्ड ‘सफारी’ले आफ्नो पहिलो एक्सक्लुसिभ शोरूम काठमाडौँको कमलपोखरीस्थित सिटी सेन्टरमा औपचारिक रूपमा सञ्चालनमा ल्याएको छ।

नेपालमा सफारी ब्रान्डको आधिकारिक वितरक तथा व्यवस्थापक शंकर ग्रुपअन्तर्गतको जगदम्बा मोबाइल्स रहेको छ। करिब ३५० वर्गफुट क्षेत्रमा फैलिएको यो नयाँ शोरूमले नेपाली यात्रुहरूलाई उच्च गुणस्तरका लगेज, ब्याकप्याक र ट्राभल एक्सेसरीजहरू उपलब्ध गराउने लक्ष लिएको छ।

आधुनिक यात्रुका लागि स्टाइल र टिकाउपन

सफारीले आफ्नो उत्पादनहरू मजबुत बनावट, आकर्षक रंग तथा बहुउद्देश्यीय डिजाइनका साथ प्रस्तुत गरेको छ। हार्ड र सफ्ट लगेजदेखि लिएर स्टाइलिश ब्याकप्याकसमेत शोरूममा उपलब्ध छन्।

शंकर ग्रुपका डाइरेक्टर सक्षम जाटियाले शोरुम उद्घाटनमा खुशी व्यक्त गर्दै भने, “हामी नेपाली यात्रुहरूलाई स्टाइलिश, आरामदायी र टिकाउ ट्राभल सोलुसन उपलब्ध गराउन प्रतिबद्ध छौँ। सफारीका उत्पादनहरूले प्रत्येक यात्रालाई सहज र सुरक्षित बनाउनेछ भन्ने हाम्रो विश्वास छ।”

जगदम्बा मोबाइल्सका सेल्स हेड तथा सफारी सेल्स म्यानेजमेन्टका प्रमुख सन्तोष श्रेष्ठले काठमाडौंमा पहिलो आउटलेट स्थापना हुनु ब्रान्डको यात्रा-यात्रा यात्रामा महत्वपूर्ण मोड भएको बताए। उनले थपे, “हाम्रो ध्यान सधैँ गुणस्तर, नवीनता र यात्रु-मैत्री अनुभवमा रहनेछ।”

४० प्रतिशतसम्म छुट

शोरुम उद्घाटनको अवसरमा नवनिर्मित सफारी सिटी सेन्टर स्टोरमा सीमित समयका लागि ४० प्रतिशतसम्मको विशेष छुट प्रदान गरिने भएको छ।

सिटी सेन्टरमा सफारीको नयाँ स्टोरको शुभारम्भसँगै कम्पनीले नेपाली यात्रुहरूलाई विश्वासिलो, आधुनिक र डिजाइन्मैत्री लगेज समाधान उपलब्ध गराउने आफ्नो प्रतिबद्धता दोहोर्‍याएको छ।