काठमाडौं । राष्ट्र, राष्ट्रियता, धर्म, संस्कृति तथा नागरिक बचाउ महाअभियानका संयोजक दुर्गा प्रसाईंले इन्धनको मूल्यवृद्धि फिर्ता लिन सरकारसँग माग गरेका छन् ।

शनिबार पत्रकार सम्मेलन गर्दै उनले सरकारले एक हप्ताभित्र इन्धनको मूल्यवृद्धि फिर्ता नलिए आन्दोलन गर्ने चेतावनी दिएका हुन् ।

प्रसाईंले विद्यार्थी संगठनको नेतृत्वमा आन्दोलन गर्ने जानकारी गराएका हुन् । सरकारको गलत कदमको विरोध गर्न विद्यार्थी संगठन आवश्यक रहेको उनको भनाइ थियो ।

रास्वपाका वरिष्ठ नेता बालेन्द्र साह (बालेन) नेतृत्वको सरकारप्रति आक्रामक रुपमा प्रस्तुत हुँदै प्रसाईंले सरकारको विकास सामाजिक सञ्जालमा सीमित रहेको टिप्पणी गरे ।

उनले चुपचाप घण्टीमा छाप हाल्ने जनताका दुःखका दिन सुरु भएको उल्लेख गरेका थिए ।