वीरगञ्ज । नेपाली कांग्रेसको १५औँ महाधिवेशनलाई लक्षित गर्दै वीरगञ्ज महानगरपालिका–२६ मा आयोजित वडा भेला सम्पन्न भएको छ। भेलाले रामबाबु प्रसाद कुर्मीलाई वडा सभापतिमा निर्वाचित गरेको छ।

भेलाबाट वडा कार्यसमितिसमेत गठन गरिएको छ। कार्यक्रममा सहभागी कांग्रेसका स्थानीय नेता तथा कार्यकर्ताको उपस्थितिमा १७ सदस्यीय वडा समिति चयन गरिएको जनाइएको छ।

त्यसैगरी, १५औँ महाधिवेशनका लागि वडा तहबाट प्रतिनिधित्व गर्ने २१ जना क्षेत्रीय प्रतिनिधि समेत चयन गरिएको छ। वडा तहको संगठनलाई थप व्यवस्थित बनाउने तथा आगामी महाधिवेशनका लागि आवश्यक सांगठनिक प्रक्रिया अघि बढाउने उद्देश्यले भेला आयोजना गरिएको बताइएको छ।

भेलाबाट निर्वाचित वडा सभापति रामबाबु प्रसाद कुर्मीले पार्टीको वडा संगठनलाई सक्रिय बनाउँदै कार्यकर्ताबीच समन्वय र सहकार्यलाई प्राथमिकता दिने बताएका छन्। भेलाले वडा तहमा नयाँ नेतृत्व चयनसँगै महाधिवेशन केन्द्रित गतिविधिलाई समेत अगाडि बढाएको छ।