काठमाडौं । नेपाली काँग्रेसका सभापति शेरबहादुर देउवाले पार्टी विभाजन नहोस् भन्ने पक्षमा आफू रहेको बताएका छन् ।

संस्थापन पक्षीय २५ केन्द्रीय सदस्यहरूसँगको छलफलमा सभापति देउवाले मिलेर जान चाहेको बताएका हुन् ।

‘ विभाजन नहोस्, मिलेर अगाडि जाऔं भन्ने म त चाहिनै रहेको छु,’ देउवाले भने । भेटमा केन्द्रीय सदस्यहरूले पहिला चुनाव हुनुपर्ने र त्यसपछि मात्रै महाधिवेशन गर्नुपर्ने सुझाव देउवालाई दिएका थिए ।

१६ पुसका लागि तय भएको वडा अधिवेशन प्रभावित बनेपछि महामन्त्रीद्वय थापा र शर्माले बिहीबार विज्ञप्ति जारी गरेर नियमित अधिवेशन स्थगन गरेका छन् ।