नेपालगन्ज । एथर नेपालले नेपालमा आफ्नो विद्युतीय मोबिलिटीको सञ्जाल विस्तार गर्ने क्रममा नेपालगन्जमा १५औँ Experience Center सञ्चालनमा ल्याएको छ। बसपार्क रोड, न्यू रोड–२, नेपालगन्ज मा रहेको नयाँ केन्द्रमार्फत नेपालगन्ज तथा आसपासका ग्राहकले एथरका विद्युतीय स्कुटर, प्रविधि तथा सेवाको प्रत्यक्ष अनुभव लिन सक्नेछन्।

नयाँ एक्सपेरियन्स सेन्टर सञ्चालनमा आएसँगै एथरको सेवा सञ्जाल काठमाडौं, पोखरा, चितवन, इटहरी, बुटवल, जनकपुर, बिर्तामोड, वीरगन्ज, धरान र विराटनगरलगायत प्रमुख शहरमा विस्तार भएको कम्पनीले जनाएको छ।

एथर ४५० र रिज्ता मुख्य आकर्षण

नेपालगन्जस्थित एक्सपेरियन्स सेन्टरमा Ather 450 र Ather Rizta लगायतका विद्युतीय स्कुटर उपलब्ध हुनेछन्। ग्राहकले स्कुटरको डिजाइन, प्रदर्शन, प्रविधि र उपयोगिताबारे जानकारी लिनुका साथै उत्पादन प्रदर्शन तथा टेस्ट राइडको सुविधा पनि प्राप्त गर्नेछन्।

Ather 450 लाई गतिशील तथा आकर्षक राइडिङ अनुभव खोज्ने ग्राहकलाई लक्षित गरिएको छ भने Ather Rizta दैनिक तथा पारिवारिक प्रयोगलाई ध्यानमा राखेर विकास गरिएको स्कुटरका रूपमा प्रस्तुत गरिएको छ। रिज्तामा आराम, व्यवहारिकता र स्मार्ट फिचरको संयोजन रहेको कम्पनीको भनाइ छ।

स्मार्ट प्रविधिमा जोड

एथरले आफ्ना विद्युतीय स्कुटरमा प्रविधिमार्फत राइडिङ अनुभवलाई सहज र स्मार्ट बनाउने प्रयास गर्दै आएको छ। कम्पनीका अनुसार Magic Twist मार्फत थ्रोटलको ट्विस्टबाट नियन्त्रित रूपमा गति घटाउन सकिने सुविधा रहेको छ।

त्यस्तै, Infinite Cruise ले लामो दूरीको यात्रामा स्थिर क्रुजिङ अनुभव प्रदान गर्ने तथा Voice Interactions मार्फत भ्वाइस कमान्डका आधारमा स्कुटरसँग अन्तरक्रिया गर्न सकिने सुविधा उपलब्ध गराउँछ।

यी प्रविधिले विद्युतीय मोबिलिटीलाई वातावरणमैत्री मात्र नभई दैनिक प्रयोगका लागि सहज, स्मार्ट र रमाइलो बनाउने कम्पनीको दाबी छ।

एथर एस्योरेन्समार्फत ग्राहकलाई दीर्घकालीन साथ

विद्युतीय सवारीको प्रयोग बढ्दै जाँदा ब्याट्रीको आयु, बिक्रीपछिको सेवा र दीर्घकालीन स्वामित्वसम्बन्धी ग्राहकको विश्वासलाई ध्यानमा राख्दै एथर नेपालले Ather Assurance लाई प्राथमिकतामा राखेको जनाएको छ।

यसअन्तर्गत Ather’s Eight70 battery warranty लाई महत्वपूर्ण पक्षका रूपमा प्रस्तुत गरिएको छ। कम्पनीका अनुसार यसले ब्याट्रीसम्बन्धी दीर्घकालीन सुरक्षा र ग्राहकको स्वामित्व अनुभवमा थप विश्वास दिलाउनेछ।

एथर नेपालले चार्जिङ तथा सर्भिस पूर्वाधार पनि विस्तार गर्दै आएको जनाएको छ। हाल नेपालभर ५० भन्दा बढी फास्ट–चार्जिङ लोकेसन र १० भन्दा बढी अधिकृत सर्भिस सेन्टर रहेको कम्पनीको दाबी छ।

नेपालगन्जका ग्राहकलाई विशेष ओपनिङ अफर

नेपालगन्जमा १५औँ एक्सपेरियन्स सेन्टर सञ्चालनको अवसरमा एथर नेपालले स्थानीय ग्राहकका लागि विशेष Opening Scheme पनि ल्याएको छ। यो योजना ३ असोज २०८३ सम्म लागू हुने कम्पनीले जनाएको छ।

योजनाअन्तर्गत:

• नगद खरिदमा: ८ वर्षको विस्तारित ब्याट्री वारेन्टी
• EMI खरिदमा: ० प्रतिशत ब्याजदरमा फाइनान्सिङ
• एक्सचेन्जमा: थप रु. ८,००० मूल्यांकन लाभ

उपलब्ध हुनेछन्।

नेपालगन्जमा नयाँ एक्सपेरियन्स सेन्टर विस्तारसँगै एथर नेपालले विद्युतीय स्कुटर बिक्रीमा मात्र नभई ग्राहकको सम्पूर्ण ownership journey लाई सहज बनाउने लक्ष्य राखेको जनाएको छ। कम्पनीका अनुसार एक्सपेरियन्स सेन्टर, अधिकृत सर्भिस सेन्टर र फास्ट–चार्जिङ पूर्वाधारको विस्तारले पश्चिम नेपालमा विद्युतीय मोबिलिटीको पहुँच थप सहज बनाउनेछ।

बसपार्क रोड, न्यू रोड–२, नेपालगन्ज मा रहेको नयाँ एक्सपेरियन्स सेन्टरबाट ग्राहकले एथरका उत्पादन, प्रविधि, टेस्ट राइड, चार्जिङ सुविधा तथा बिक्रीपछिको सेवाबारे आवश्यक जानकारी लिन सक्नेछन्।