अजरबैजानका राष्ट्रपति इल्हाम अलियेभले बुधवार अजरबैजानले आगामी दुई देखि तीन वर्षभित्र आफ्नो ग्यास उत्पादन कम्तीमा १० अर्ब घनमिटरले बढाउने लक्ष्य राखेको बताएका छन्। राष्ट्रपतिको आधिकारिक वेबसाइटकाअनुसार युरोपेली परिषद्का अध्यक्ष एन्टोनियो कोस्टासँगको संयुक्त पत्रकार सम्मेलनमा अलियेभले अजरबैजानले यस वर्ष ग्यास उत्पादन बढाउने योजना बनाएको कुरा स्मरण गराएका हुन् ।

अलियेभले अजरबैजानले पाँच देखि ६ वर्षभित्र निर्यातका लागि ६ देखि आठ गिगावाट नवीकरणीय ऊर्जा क्षमता तयार गर्ने लक्ष्य राखेको छ । युरोपेली ऊर्जा सुरक्षामा अजरबैजानको बढ्दो भुमिकालाई जोड दिँदै अलियेभले युरोपेली संघका १० सदस्य राष्ट्रहरूले अजरबैजानबाट ग्यास प्राप्त गरिरहेको बताए । अजरबैजानी राष्ट्रपतिले जनवरीमा देशको कुल व्यापारको आधा हिस्सा युरोपेली संघको रहेको र यसले संघलाई देशको प्रमुख व्यापारिक साझेदार बनाएको कुरा पनि उल्लेख गरे ।