काठमाडौं । सिद्धार्थ बैंकले शेयरधनीहरूलाई २० प्रतिशत लाभांश वितरण गर्ने घोषणा गरेको छ।

बिहीबार बिहान बसेको बैंक सञ्चालक समितिको बैठकले आर्थिक वर्ष २०८२/८३ को वितरणयोग्य मुनाफाबाट हाल कायम चुक्तापुँजीको २० प्रतिशत लाभांश वितरण गर्ने निर्णय गरेको हो।

बैंकको हाल कायम चुक्तापुँजी १४ अर्ब ७९ करोड ४४ लाख ७९ हजार १९५ रुपैयाँ रहेको छ। प्रस्तावित लाभांशमध्ये १० प्रतिशत अर्थात् १ अर्ब ४७ करोड ९४ लाख ४७ हजार ९२० रुपैयाँ बराबरको बोनस शेयर र १० प्रतिशत अर्थात् १ अर्ब ४७ करोड ९४ लाख ४७ हजार ९२० रुपैयाँ बराबरको नगद लाभांश (करसहित) रहेको छ।

त्यसैगरी, बैंकले अग्राधिकार शेयरधनीहरूलाई ८.५ प्रतिशत अर्थात् १० करोड ७५ लाख ८९ हजार ४१ रुपैयाँ बराबरको नगद लाभांश (करसहित) वितरण गर्ने निर्णय गरेको जनाएको छ।

बैंकका अनुसार प्रस्तावित लाभांश नेपाल राष्ट्र बैंकको स्वीकृति प्राप्त भएपछि आगामी वार्षिक साधारणसभाबाट पारित गरी शेयरधनीहरूलाई वितरण गरिनेछ।