काठमाडौं/मुम्बई। नेपाली व्यावसायिक जगतका युवा नेतृत्व वरुण चौधरी भारतको मुम्बईस्थित अम्बानी परिवारको प्रसिद्ध निवास एण्टिलियामा आयोजित गणेश चतुर्थी उत्सवमा सहभागी भएका छन्।

CG Corp Global तथा CG Hospitality Holdings का Managing Director चौधरीले उत्सवमा सहभागी भएको तस्बिर सामाजिक सञ्जालमार्फत सार्वजनिक गर्दै अम्बानी परिवारप्रति आत्मीय आतिथ्यका लागि आभार व्यक्त गरेका छन्। CG Corp Global को आधिकारिक प्रोफाइलले उनलाई समूहको Managing Director का रूपमा उल्लेख गरेको छ।

चौधरीले लेखेका छन्, “Blessed to celebrate Ganesh Chaturthi at Antilia. Heartfelt thanks to the entire Ambani family for their warmth and gracious hospitality. Ganpati Bappa Morya!”

उनले सार्वजनिक गरेको तस्बिरमा चौधरी दम्पती परम्परागत पहिरनमा गणेश चतुर्थीको धार्मिक तथा सांस्कृतिक वातावरणमा देखिन्छन्। मुम्बईको एण्टिलियामा यस वर्ष पनि अम्बानी परिवारले गणेश चतुर्थीको विशेष आयोजना गरेको र भारतीय चलचित्र तथा अन्य क्षेत्रका चर्चित व्यक्तिहरू सहभागी भएको भारतीय सञ्चारमाध्यमहरूले उल्लेख गरेका छन्।

वरुण चौधरी नेपालबाट विस्तार भएको CG Corp Global को नयाँ पुस्ताको नेतृत्वमा सक्रिय व्यवसायी हुन्। समूहको आधिकारिक विवरणअनुसार उनी FMCG, hospitality लगायतका व्यवसाय विस्तारमा संलग्न छन् र विशेषगरी Wai Wai को अन्तर्राष्ट्रिय विस्तारमा नेतृत्वदायी भूमिका निर्वाह गर्दै आएका छन्।

एण्टिलियामा उनको उपस्थितिलाई केवल धार्मिक उत्सवमा सहभागिताका रूपमा मात्र नभई नेपालको स्थापित व्यावसायिक परिवारको नयाँ पुस्ताको अन्तर्राष्ट्रिय व्यावसायिक तथा सामाजिक नेटवर्कमा बढ्दो उपस्थितिको झलकका रूपमा पनि हेर्न सकिन्छ।

तस्वीर : नेटपत्रीका