काठमाडौं, १४ मंसिर । आज राष्ट्रिय सभाअन्तर्गतको विकास, आर्थिक मामिला तथा सुशासन समितिको बैठक बस्ने भएको छ । बैठक आइतबार बिहान ११ः३० बजे सिंहदरबारस्थित संघीय संसद सचिवालयको समिति हलमा बस्ने भएको हो ।

आजको बैठकमा कृषि तथा पशुपंछी विकासमन्त्री मदनप्रसाद परियारसँग विशेष छलफल गरिनेछ । बैठकमा मन्त्री परियारसँग संयुक्त राष्ट्रसंघीय जलवायु परिवर्तन सम्मेलन (कोप)मा भएका विगतका निर्णय/सम्झौताको कार्यान्वयनको अवस्था/प्रगति एवं ‘संयुक्त राष्ट्रसंघीय जलवायु परिवर्तन सम्मेलन (कोप ३०)’को समीक्षा गर्ने कार्यसूचीमा तय गरिएको छ ।