काठमाडौँ । देशका विभिन्न स्थानमा पछिल्लो २४ घण्टामा भएका सवारी दुर्घटनामा ८ जनाको मृत्यु भएको छ भने ७७ जना घाइते भएका छन् ।

आइतबार (असोज १८) नेपाल प्रहरीले शनिबार (असोज १६) सुरु भएदेखि मध्यराति १२ बजेसम्म भएका सवारी दुर्घटनामा उक्त हताहती भएको विवरण सार्वजनिक गरेको छ ।

सार्वजनिक विवरणअनुसार नवलपरासी पूर्व, दाङ र काठमाडौंमा भएका छुट्टाछुट्टै सवारी दुर्घटनामा ८ जनाको मृत्यु भएको हो ।

साथै, कोशीमा २९, मधेशमा २९, काठमाडौं उपत्यकामा १८, बागमतीमा ७, गण्डकीमा २०, लुम्बिनीमा ३६, कर्णालीमा ४ र सुदूरपश्चिम प्रदेशमा ४ गरी १४७ जना पछिल्लो २४ घण्टामा भएका सवारी दुर्घटनामा घाइते भएका प्रहरीको विवरणमा उल्लेख छ ।

घाइतेहरूको स्वास्थ्य अवस्था र उपचारका विषय विवरणमा खुलाइएको छैन ।