काठमाडौं । टिकटकर तुलसा अधिकारीको मुद्दामा आज जिल्ला अदालत ललितपुरले आदेश गर्ने सम्भावना छ ।

लगातार हिजोदेखि जारी थुनछेक बहस नसकिएपछि हिजो पनि उनलाई प्रहरी हिरासतमै पठाइएको थियो । आज बहस सकिएमा न्यायाधीशले उनलाई थुनामा राखेरै अनुसन्धान गर्ने वा धरौटीमा छोड्ने आदेश गर्नेछन् ।

अधिकारीको बयानपछि जिल्ला अदालतका न्यायाधीश टेकनाथ गौतमको इजलासमा हिजोबाट थुनछेक बहस सुरू भएको हो । उनलाई आज अदालत ल्याउँदा हातमा हतकडीसहित ल्याइएको थियो ।

तुलसाविरुद्ध आपराधिक लाभ (एक्सटर्सन), संगठित अपराध र सम्पत्ति शुद्धीकरण (मनि लाउण्डरिङ) समेतको कसुरमा मुद्दा दायर भएको छ ।