चर्च स्कूलमा बहिरा बालबालिकामाथि बलात्कार गरेका दुई पादरीलाई ४० वर्षको जेल सजाय

Sharing is caring!

अर्जेन्टिनाको अदालतले रोमन क्याथोलिकका दुई पादरीलाई चर्च स्कूलका बहिरा बालबालिकामाथि उत्पीडन गरेको आरोपमा ४० वर्ष बढीको जेल सजाय सुनाएको छ ।

होरासियो कोर्बाचो र निकोला कोर्राडीका साथै एक माली मेन्डोजास्थित एक विद्यालयका बालबालिकामाथि सन् २००४ देखि २०१६ सम्म बलात्कार र उत्पीडनको दोषी पाइएका छन् ।

पोप फ्रान्सिसको मातृभूमीमा यस्तो घटना हुँदा धेरै अचम्ममा परेका थिए । कतिले चर्चले निकै ढिला गरी कारवाही प्रक्रिया अघि बढाएको पनि आरोप लगाए ।

सोमबार अदालतले पादरी कोर्बाचोलाई ४५ वर्षको जेल सजाय तोकेको छ । ५९ वर्षे उनले लुजान दे कुयो शहरमा रहेको इन्स्टिच्युटो ओन्टोनियो प्रोभोलो डे मेन्डोजाका बालबालिकामाथि यौन उत्पीडन गरेको पुष्टि भएको छ ।

यस्तै, कोर्राडी, ८३ वर्षका इटालियन नागरिकलाई ४२ वर्षको जेल सजाय तोकिएको छ ।

अर्मान्दो गोमेज, लुजन डे कुयो स्कूलका मालीलाई १८ वर्षको जेल सजाय तोकिएको छ ।

LEAVE A REPLY

Please enter your comment!
Please enter your name here