सिन्दुरले रङ्गियो भक्तपुरको मध्यपुर

Sharing is caring!

भक्तपुर – प्रत्येक वर्ष नयाँ वर्षको सुरुवतमा भक्तपुरको मध्यपुर थिमीमा सिन्दुर जात्रा भव्य रुपमा मनाइएको छ । बिस्केट जात्राको अवसर पारेर मनाइने ३२ खटको सिन्दुरजात्रा यो पटक सोमबार भव्यताका साथ मनाइएको हो ।

मध्यपुरथिमीमा मात्र मनाइने विभिन्न जात्रामध्ये ३२ वटा खटसहितको अबिर जात्रा प्रसिद्ध जात्रा मनाइने भएपनि केही वर्षयता खटको सङ्ख्यामा कमी आएको छ । स्थानीयका अनुसार यो वर्ष जात्रामा २३ वटा खटमात्र समावेश हुनेछ ।

मूल देवता खटमा राखी धिमेबाजाका साथ चिराक बाली अबिर जात्रा मनाइने परम्परा रहेको छ । जात्रा प्रत्येक चोक, चौबाटो र नगरपरिक्रमा गर्दा घरको झ्याल, कौसी र छतबाट अबिर छर्ने, फूल बसाएर स्वागत गर्ने प्रचलन छ ।

जात्रामा का“याबाजा, भुस्याबाजा, धिमेबाजा बजाएर देवताका खटलाई हर्षोल्लासका साथ एकापसमा अबिर दलेर नगर परिक्रमा गर्ने परम्परा छ ।

अबिर जात्रामा बालकुमारी, कालिका अर्थात बालाखुको खट बालकुमारी मन्दिरबाट बाहिर निकालिएको छ । सिद्धिकालीको खट ल्याएर आफ्ना गणहरुसहित बालकुमारी प्रवेश गराएपछि यो जात्रा सुरु हुन्छ ।

LEAVE A REPLY

Please enter your comment!
Please enter your name here