मैले ३० दिनमा देखेको नेपाल बाबुराम भट्टराई

Sharing is caring!

पृथ्वीनारायण शाहदेखि सुगौली सन्धिसम्म भौगोलिक एकीकरणको चरण थियो । मूलतः विसं. १९८० को दशकदेखि २०७२ सम्म लोकतान्त्रीकरणको चरण थियो ।

संविधानसभाबाट संविधान जारी भएपछि देश समृद्धिको चरणमा प्रवेश गरेको छ । तसर्थ, अबको मुख्य कार्यभार भनेको देशको समृद्धि हो । एशियाको दोश्रो र विश्वको २५ औं गरीब देशको सूचीमा सूचीकृत छ नेपाल ।

यस्तो लाजमर्दो अवस्थाबाट अबको ७ बर्षमा अल्पविकसित अवस्थाबाट विकाशशील अवस्थामा, १५ बर्षभित्र मध्यमस्तरको धनी देशमा र २५ बर्षभित्र संसारको समृद्ध देशको हाराहारीमा नेपाललाई पुर्‍याउनुपर्छ । र, त्यो संभव छ । यसका लागि बैज्ञानिक दृष्टि, दृढ सङ्कल्प, इमान्दारिता र सक्रियताको खाँचो छ ।

यही पृष्ठभूमिमा हामीले नेपालको राजनीतिक इतिहासमा पहिलोपटक जनतासँग प्रत्यक्ष जनसम्वाद गर्ने सोच बनायौं । हरेक नयाँ सोच र प्रयोगहरू जोखिमपूर्ण हुन्छन् । सबै नयाँ प्रयोगहरू सफल हुन्छ नै भन्ने सुनिश्चित हुँदैन । तैपनि हामी जोखिम उठाउने निर्णयमा पुग्यौं ।

कुन मोडेलमा, कहाँ, कसरी र कहिलेदेखि भन्ने सवालमा हामीले झन्नै एक महिनासम्म विमर्श गर्‍यौं । लामो विमर्शपछि मध्यपहाडी पुष्पलाल लोकमार्गमा ०७५ माघ १५ देखि फाल्गुन १५ सम्म एकमहिने जनसम्वाद यात्रा गर्ने निश्कर्षमा पुग्यौं ।

LEAVE A REPLY

Please enter your comment!
Please enter your name here